Kitaabka Nuurul Yaqiin Siirada Nabiga (scw) – Sheekh Dirir

نور اليقين في سيرة سيد المرسلين

Kitaabkan Nuurul Yaqiin Fii Risaalatil Hadyil Mursaliin baa la yidhaahdaa. Sheekh Maxamed Khudari baa iskaleh. Kitaabku wuxuu ka midyahay kutubta kooban ee xagga siirada, erayadiisuna aanay adkayn, kuna dhow xagga saxiixnimada. Wuxuu inta badan siirada ka qaadanayaa saxiixaynka iyo kutubta muctamadka ah.

Siirada in la barto muhiimo wayn bay leedahay. Quraanka kariimka ah waxaad arkaysaa iyada oo uu aad uuga waramayo siiradii ambiyada hore iyo taariikhdoodii iyo qisaskoodii, inta qiso ee rusushu leedahay iyo umadahoodu ee quraanka kusoo aroortay iyo qiso walba inta jeeray soo noqonayso way badantahay. Xikmadeeday leedahay. Taariikhdu waxa weeyaan muraayada laga daawado ciddii hore iyo dhacdooyinkii hore iyo maalmihii tagay.

Nabi Muxammad Allaah wuxuu inagu adoonsaday inaynu ku dayano. Sidee loogu dayanayaa hadaan siiradiisa la hayn. Markaad Ku dayankartaa waa inaad dhex tagto horta waaqicuu ku noolaa. Sideebuu uula dhaqmi jiray asxaabtiisa, sidee buu uula dhaqmi jiray umadaha kale, sidee buu uula dhaqmayay ilaahiisa, sidee buu uula dhaqmayay ehelkiisa, sidee buu uula dhaqmayay umadaha shisheeye iyo dacwadiisu siday ahayd. Taasi waxay keenaysaa muqaal fiican dhaqanka iyo hadyigii Nabiga inaad ka hesho.

Siiradu waa qaar ;a midah axaadiithta Rasuulka (sallallaahu calayhi wasalam) oo xadiithkaa markiisa horeba waxa weeyi wixii Nabiga (sallallaahu calayhi wasalam) xaggiisa ka yimaada ee hadal leh, ee ficil leh ee wuxuu cid ku sugay leh oo intuu arkay inay cidi samaynayso uu u daayay. Waa akhlaadiisii iyo khuliqiisii iyo sidii uu ilaahay u abuuray.

Download Kitaabka Nuurul Yaqiin (pdf) – تحميل كتاب نور اليقين في سيرة سيد المرسلين

Download ama dhaqayso Kitaabka Nuurul Yaqiin (mp3)